瑤柱炒翡翠豆苗

<瑤柱炒翡翠豆苗>

 

老公早排去飲，話食過呢隻菜幾好味(明明之前整過唔係幾好食，因為好勁草青味)，咁岩行過一田到都有，即管比多次機會佢試多次~

材料:

翡翠豆苗	1包
瑤柱	1-2粒
蒜蓉	3-4粒
杞子	數粒 (落唔落都得既，係會顏色靚D)

調味 (全部攪勻成為芡汁):

浸瑤柱D水
蠔油	2湯匙
糖	2茶匙
鹽	適量
豆粉	3茶匙

做法:

1瑤柱用水浸軟，整散成為絲。瑤柱水要留起待用。

2翡翠豆苗洗凈，放落滾水出一出水去青味。

3 燒熱鑊，落油爆香蒜蓉，再爆香瑤柱絲，再加入翡翠豆苗及杞子炒至一個你鍾意食既程度(有人鍾意食林菜，有人鍾意食爽口D)，最後加入調味，將芡汁煮杰即可。

P.S. 出水時, 水可以加入小小糖。

瑤柱如果唔夠時間浸，可改用熱水浸，會快D林。